KUUZWA KWA GESI BEI YA RUZUKU KUPUNGUZA MATUMIZI YA MKAA NA KUNI.

-





Na Yohana Msafiri, Kibaha.

Wakati  wananchi  wengi wanaendelea kupikia mkaa na kuni huku wakikwepa matumizi ya gesi kwa kushindwa  gharama, wanafunzi wa Shule ya Sekondari Kikongo Halmashauri ya Wilaya ya Kibaha Mkoa wa Pwani  wamesema serikali inapaswa kuweka utaratibu utakaowezesha makampuni yanayohusika na nishati hiyo kuwauzia wananchi kwa  bei ya ruzuku.




Wametoa kauli hiyo machi 27,2024 wakati wa maadhimisho ya upandaji miti yaliyofanyika  shule ya Sekondari Kikongo kwa ngazi ya Halmashauri ya Wilaya ya Kibaha.




"Miti inateketea, jangwa linaenea, hali ya hewa inazidi kuchafuka, chanzo ni ukataji wa miti unaofanywa na watu ili kutengeneza mkaa na hilo halikwepeki kwa sasa kwakuwa hata hizo bei za gesi ni kubwa ndio maana wananchi wengi wanakimbilia mkaa na kuni kupikia"amesema Khadija Selemani mwanafunzi wa shule hiyo ya Sekondari Kikongo.

Na kuongeza“Tumekuwa tukiona ugawaji wa mitungi bure kwa baadhi ya wananchi mama lishe na baba lishe  lakini hilo  pekee haliwezi kusadia wengi wakapata kwa wingi kikubwa hapa kinachotakiwa bidhaa hiyo hasa mitungi iuzwe kwa bei ya ruzuku na Serikali iiingie mkataba na hizo kampuni zinazouza bidhaa hiyo”.
 

Amesema kuwa utaratibu huo utapunguza matumizi ya mkaa na kuni kwa jamii ya madaraja yote hata wale wenye vipato vya chini kwani watamudu gharama ya kununua gesi tofauti na ilivyo sasa ambapo nishati ya gesi imeendelea kutumiwa na wenye uwezo pekee ingawa wauzaji wameenea maeneo mengi ya nchi.

 


Mwanafunzi wa kidato cha tatu kwenye shule hiyo Masudi Mabura amesema kuwa  kuna umuhimu wa Serikali kwenda mbali zaidi  kwa kuwa mdhamini wa wananchi wanaohitaji  kununua mitungi ya gesi lakini hawana uwezo wa mara moja ili wawe wanakopeshwa kwa bei ya ruzuku na kurejesha kidogokidogo

 

“Mitungi ya gesi inauzwa bei kubwa wengi wanashindwa kununua na hata kama kuna baadhi ya makampuni yanaweza kukopesha kwa sasa lakini gharama hizo kwa wenye vipato vya chini hawawezi kumudu na kukimbilia kwenye mkaa hivyo hili ni vema likaangaliwa na serikali”amesema

 

Kwa upande  wake mhifadhi kutoka wakala wa huduma za misitu (TFS) Wilaya ya Kibaha Mkoa wa Pwani Theodory  Kavishe amesema kuwa ili kukabiliana na mabadiliko ya tabia nchi yanayosababishwa na ukataji wa miti  Halmashauri hiyo inatarajia kupandwa miche 210,000 kwa kipindi cha mwaka huu.




“Kati ya idadi hiyo miche 150,000 kutoka kwenye vitalu 8 vya Halmashauri na miche 60,000 kutoka wakala wa huduma za misitu Wilaya pamoja na mkakati huo pia tunaendelea kutoa elimu kwa jamii juu ya kuepuka matumizi ya mkaa na kujikita kwenye kutumia niashati mbadala katika mapishi”amesema

 Mgeni rasmi kwenye maadhimisho hayo katibu Tawala Halmashauri ya Wilaya ya Kibaha Moses Magogwa amesema serikali imeendelea kuogeza jitihada za kuratibu mipango ya upandaji miti kwenye maeneo mbalimbali lengo ni kurejesha uoto ambao umekuwa ukipotea kutokana na shughuli za kibinadamu



   Amesema kuwa wakati taasisi mbalimbali zikiendelea kuitikia wito huo kuna umuhimu wa kuweka mipango na malengo ya kupanda miti hiyo ili kuwe na tija kwa jamii na taifa kwa ujumla hasa katika kuwapa matokeo chanya.

Kauli za serikali kuhusu kudhibiti matumzi ya mkaa na kuni zimekuwa zikitolewa mara kwa mara na viongozi mbalimbali akiwemo waziri Mkuu Kassim Majaliwa.










Club News Editor - Charles Kusaga

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more