HIVI NDIVYO KAMPENI YA UCHAGUZI CCM MSANGANI ILIVYOANZA KIBAHA

-

Waziri wa Nchi,Ofisi ya Rais ,Tawala za Mikoa na Serikali za Mitaa (Tamisemi) Mohamed Mchengerwa akimnadi mgombea wa udiwani wa Kata ya Msangani kwa tiketi ya CCM Gunze Chongela katika ufunguzi wa kampeni uliofanyika jana katika viwanja vya juhudi vilivyopo kwenye Kata hiyo 

Na Gustafu Haule,Pwani

WAZIRI wa Nchi,Ofisi ya Rais ,Tawala za Mikoa na Serikali za Mitaa (Tamisemi) Mohamed Mchengerwa,amesema Serikali ya awamu ya Sita imeweka mpango maalum wa kuhakikisha inajenga Shule za Sekondari na Msingi katika Kata ambazo hazina Shule.

Mchengerwa ambaye pia ni Mjumbe wa Halmashauri Kuu ya CCM Taifa( NEC) ametoa kauli hiyo wakati akizungumza na wananchi,wanachama na viongozi wa Chama Cha Mapinduzi katika uzinduzi wa kampeni za udiwani Kata ya Msangani Halmashauri ya Kibaha Mjini zilizofanyika Machi 9 .

Amesema kuwa,Serikali ya awamu ya Sita chini ya Rais Dkt.Samia Suluhu Hassan inatambua umuhimu wa elimu hapa nchini na kwamba kila siku inaendelea kuweka juhudi za kuimarisha miundombinu ya elimu kote nchini.

Mchengerwa amesema kwasasa Serikali imeweka mpango maalum wa kuendelea kujenga shule katika maeneo ambayo yanahitaji kuwa na shule na kwamba Shule zitakazojengwa ni zile za Msingi na Sekondari.
"Serikali inaendelea kuyafanyiakazi mapungufu yaliyopo katika elimu ikiwemo kujenga Shule katika maeneo yote yanayohitajika kuwa na shule kwani adhma ya Serikali ni kuhakikisha watoto wote wanaofikia umri wa kwenda shule wanapata fursa ya kusoma bila vikwazo,"amesema Mchengerwa.

Aidha,Mchengerwa amewataka Wana CCM kuzisemea kazi zilizofanywa na Rais Samia katika kipindi alichokaa madarakani ili Wananchi waweze kujua kazi za kimaendeleo zilizofanyika na hivyo kumpa Rais nguvu ya kufanya mazuri zaidi.

Kuhusu kampeni za udiwani Kata ya Msangani Mchengerwa amewataka Wananchi wa Kata hiyo kuhakikisha wanamchagua mgombea wa CCM Gunze Chongela  kwakuwa ndio chama pekee kinachoweza kuwaletea maendeleo.

Amesema,wakichagua chama kingine watakuwa wamejiharibia kwakuwa wanaweza kuchelewesha maendeleo katika Kata yake kwani CCM ili iweze kufanyakazi vizuri inahitaji diwani wa CCM,Mbunge wa CCM na Rais kutoka CCM.

Kwa upande wake mgombea wa udiwani Kata ya Msangani kupitia Chama Cha Mapinduzi (CCM) Gunze Chongela amesema kuwa anatambua changamoto zilizopo katika Kata hiyo na kwamba wakimchagua changamoto zote zitakuwa zimepata ufumbuzi.
Mgombea wa udiwani Kata ya Msangani kwa tiketi ya CCM Gunze Chongela (Kulia)akiomba kura kwa Wananchi katika ufunguzi wa kampeni uliofanyika jana katika viwanja vya juhudi vilivyopo katika Kata hiyo.

"Mimi ni mkazi wa hapa natambua changamoto za Kata yangu ya Msangani kwahiyo nikopesheni imani yenu kwa kunipa kura za ndio nami nitawalipa maendeleo,"amesema Chongela.

Mwenyekiti wa CCM Wilaya ya Kibaha Mjini Mwajuma Nyamka, amesema kuwa CCM ni chama imara na kinatakiwa kushinda katika uchaguzi huo ili kukipa urahisi chama wa kufanya maendeleo .

Nyamka,amewaomba Wananchi wa Kata hiyo kuungana kwa pamoja kumchagua mgombea wa CCM Gunze Chongela kuwa diwani wa Kata ya Msangani ili aende kuwasemea changamoto zao katika Baraza la madiwani la Halmashauri ya Mji Kibaha .










Club News Editor, Julieth Ngarabali

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more