RC PWANI AHAMASISHA KUPELEKA WATOTO KUPATA CHANJO YA SURUA NA RUBELLA.

-


Mkuu wa Mkoa wa Pwani Abubakar Kunenge (katikati) akizungumza na waandishi wa habari kuhusu kampeni ya chanjo ya Surua na Rubella iliyoanza kufanyika Februari 15 mwaka huu ,Kushoto ni Mganga Mkuu wa Mkoa wa Pwani Benedicto Ngaiza na Kulia ni mratibu wa mpango wa chanjo  Taifa kutoka Wizara ya afya Geogina Ngaiza.

Na Gustafu Haule,Pwani

MKUU wa Mkoa wa Pwani Abubakar Kunenge,amesema kuwa watoto wenye umri chini ya miaka mitano 174,298 wamelengwa kufikiwa kwa ajili ya kupata chanjo ya Surua - Rubella inayotolewa katika maeneo mbalimbali.

Kunenge, amesema kuwa kampeni ya chanjo hiyo tayari imeanza Februari 15 mwaka huu na itamalizika Februari 18 na kwamba kwa Mkoa wa Pwani chanjo hiyo inapatikana katika ngazi ya vituo vya huduma ya afya,ngazi ya kaya kupitia huduma ya mKoba  pamoja na maeneo mengine yaliyoainiashwa.

Kunenge,ametoa kauli hiyo Februari 16 mwaka huu wakati akizungumza na waandishi wa habari katika mkutano maalum wa kuhamasisha kampeni ya masuala ya chanjo ya Surua na Rubella uliofanyika ofisini kwake .

Katika mkutano huo, Kunenge amewaomba wananchi hususani wenye watoto chini ya umri wa miaka mitano kuhakikisha wanawafikisha watoto wao katika vituo mbalimbali vya kutolea chanjo ili waweze kupata huduma hiyo.

Kunenge,amesema magonjwa ya Surua na Rubella husababishwa na virusi vinavyoenea kwa haraka kwa njia ya hewa hususani pale mgonjwa anapokohoa au kupiga chafya na huathiri watu wa rika zote lakini watoto wenye umri chini ya miaka mitano huathirika zaidi.
"Nawaelekeza Wananchi kuzingatia ushauri wa wataalamu wetu wa afya kwa kuimarisha hali ya usafi na vifaa vya kunawa mikono katika maeneo yetu,kuvaa barakoa na kutoa taarifa na kufika katika vituo vyetu vya huduma za afya kwa wakati",amesema Kunenge

Kunenge,katika hatua nyingine amewaelekeza viongozi waliopo katika maeneo mbalimbali kushiriki kikamilifu katika utekelezaji wa kampeni kwenye maeneo yao ikiwa pamoja na kuhakikisha watoto wote wenye umri chini ya miaka mitano wanafikiwa.

Aidha,Kunenge ametumia nafasi hiyo kuwaomba viongozi wa dini na taasisi mbalimbali kushiriki kikamilifu katika kuhamasisha zoezi hilo katika maeneo yao ili kuweza kufikia malengo ya Serikali ya kuwanusuru watoto dhidi ya magonjwa hayo.

Kwa upande wake Mganga Mkuu wa Mkoa wa Pwani Dr Benedicto Ngaiza, amesema dalili za magonjwa hayo ni homa,mafua,na kikohozi ,macho kuwa mekundu na kutoka machozi,kutoka vipele vidogovidogo vinavyoanzia katika paji la uso,nyuma ya masikio na kusambaa usoni na mwili mzima.

Dr .Ngaiza amesema magonjwa hayo madhara yake ni makubwa Kwa binadamu ikiwemo masikio kutoka usahau ambao unaweza kusababisha kutosikia ,vidonda vya macho vinavyopelekea upofu,Nimonia,utapiamulo na kwamba mgonjwa hasipopata tiba sahihi anaweza kupata ulemavu na hata kupoteza maisha.

"Magonjwa haya yanazuilika kwa chanjo,Mtoto hupata dozi mbili za chanjo ya kumkinga na Surua na Rubella ambazo hutolewa anapotimiza umri wa miezi 9 na marudio ni pale anapotimiza miezi 18",amesema Dr.Ngaiza

Mratibu wa mpango wa Taifa wa chanjo kutoka Wizara afya Geogina Ngaiza,amesema kuwa chanjo hiyo inatolewa hapa nchini muda mrefu na ipo salama na wala haina madhara yoyote na kwamba  inatolewa bure .

Hata hivyo,Ngaiza,ameitaka jamii kuacha hofu  kwani Serikali inaendesha zoezi la utoaji chanjo kwa ajili ya kuwapa kinga  watoto ili wasishambuliwe na magonjwa hayo .

.







Club News Editor Julieth Ngarabali

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more