DK .TINDWA AMWAGA SIMU JANJA CCM MKURANGA

-
  

Mjumbe wa kamati ya Uchumi ya Jumuiya ya Wazazi Taifa ambaye ni mjumbe wa kamati ya Siasa ya Mkoa wa Pwani Dk. Chakou Tindwa(kushoto)akimkabidhi mwenyekiti wa CCM Mkoa wa Pwani Mwinshehe Mlao(Kulia) simu 26 zenye thamani ya Sh.milioni 6.5 Kwa ajili ya kusajilia wanachama kieletroniki.

Na Gustafu Haule,Pwani

MJUMBE wa Kamati  ya Uchumi ya Jumuiya ya Wazazi Taifa Dk.Chakou Tindwa ameendelea na jitihada za kukiimarisha Chama Cha Mapinduzi(CCM) ambapo kwa sasa ameipiga tafu CCM kwa kutoa simu janja 26 zenye thamani ya Sh.milioni 6.5 zitakazotumika kusajili wanachama waliopo Wilayani Mkuranga.

Dk.Chakou ambaye pia ni mjumbe wa Kamati ya Siasa ya Mkoa wa Pwani mbali na kusaidia simu hizo lakini pia  amekabidhi kadi za CCM 12,500 kwa ajili ya kuwagawia wanachama waliopo Wilayani humo.

Hatua ya Dk Chakou kutoa simu na kadi hizo ni sehemu ya utekelezaji wa aadi zake alizozitoa kwa kamati ya Siasa ya Wilayani Mkuranga siku chache zilizopita.

Akikabidhi simu na kadi hizo kwa mwenyekiti wa CCM Mkoa wa Pwani Mwinshehe Mlao katika kikao cha kamati ya Siasa Wilayani Mkuranga kilichofanyika Februari 22 mwaka huu Tindwa amesema kazi ya kujenga chama ni jukumu la kila wanachama.
 Mjumbe wa kamati ya Uchumi ya Jumuiya ya Wazazi Taifa na mjumbe wa kamati ya Siasa ya Mkoa wa Pwani Dk Chakou Tindwa (Kushoto) akimkabidhi mwenyekiti wa CCM Mkoa wa Pwani Mwinshehe Mlao(Kulia) kadi 12,500 kwa ajili ya kuwagawia wanachama wa CCM Wilayani Mkuranga. 

Dk .Tindwa amesema simu hizo zitagawanywa katika kila Kata zilizopo Wilayani humo na kwamba dhamira yake ni kuona kila mwanachama anasajiliwa na kupata kadi ya kieletroniki kama ambavyo CCM Taifa ilivyoelekeza.

"Niliahidi kununua simu za kusajilia wanachama kwa njia ya kieletroniki hapa Wilayani kwetu Mkuranga na leo natimiza aadi yangu kwa kukabidhi simu hizi 26 zenye thamani ya Sh.milioni 6.5 naomba mwenyekiti uzipokee,"amesema Tindwa.

Aidha, Dk .Tindwa ameiambia kamati ya Siasa Wilayani Mkuranga kuwa yeye anamapenzi ya dhati na chama chake hivyo yupo tayari kuendelea kusaidiana na wanachama wenzake pamoja na wadau mbalimbali kuhakikisha wanakiimarisha chama kwa kutatua changamoto mbalimbali zinazojitokeza.

Kwa upande wake Mwenyekiti wa Chama Cha Mapinduzi ( CCM) Mkoa wa Pwani Mwinshehe Mlao, akizungumza mara baada ya kupokea simu na kadi hizo amemshukuru Dk .Tindwa kwa namna anavyojitoa katika kuisaidia chama .

Mlao, amesema kuwa CCM haiwezi kujengwa na mtu mmoja bali itajengwa kwa ushirikiano wa wanachama, viongozi na wadau mbalimbali na kwamba kama kuna mtu anataka kuchangia chama ni vyema akajitokeza.

"Naomba nitumie fursa hii kumshukuru ndugu yetu Dk .Tindwa kwa msaada huu mkubwa kwani naamini kupitia simu hizi changamoto ya usajili kwa wanachama inakwenda kuisha,"amesema Mlao.

Hatahivyo, Mlao amewaomba Viongozi na wanachama ambao watakabidhiwa simu hizo kwenda kuzitumia kikamilifu kwa shughuli zilizokusudiwa ili kuweza kufikia malengo yaliyowekwa na chama.
Dk .Chakou Tindwa akizungumza katika kikao cha kamati ya Siasa cha Wilayani Mkuranga kilichofanyika Februari 22 mwaka huu.

















Club News Editor Julieth Ngarabali

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more