DAKTARI BINGWA WA SARATANI ATETA NA VIONGOZI WA DINI PWANI

-

Dr ChakouTindwa akizungumza katika kongamano la Jumuiya  ya Maridhiano na Amani Tanzania (JMAT) huko Mkuranga  Pwani.

Na Gustaphu Haule

MJUMBE wa kamati ya Siasa Mkoa wa Pwani Dr. Chakou Tindwa,amewashauri viongozi mbalimbali kuwa waadilifu ili kulinda amani iliyopo kwani kufanya hivyo itakuwa njia sahihi ya kumuenzi Rais Dkt.Samia Suluhu Hassan anayefanyakazi huku akiwaheshimu wananchi wake.

Tindwa ambaye pia ni daktari bingwa wa magonjwa ya saratani hapa nchini na mdau wa maendeleo anayesaidia masuala ya kijamii ametoa ushauri huo  katika kongamano la Jumuiya ya Maridhiano na Amani Tanzania (JMAT)lililofanyika Februari 07 Wilayani Mkuranga.

Dr.Tindwa, amesema kuwa uadilifu mara nyingi unaambatana na kutii mamlaka iliyopo na kwamba bila kutii mamlaka ni Wazi kuwa hakuna uadilifu jambo ambalo linaweza kusababisha kuvunjika kwa amani.

Aidha,katika kongamano hilo ambalo Tindwa alikuwa mgeni rasmi amewasisitiza washiriki hao kuzingatia mambo makuu matatu ikiwemo kuwaheshimu na kuwahudumia wananchi wenye uhitaji ,kutenda haki kwa mamlaka ya mtu aliyonayo pamoja na kuheshimu mamlaka zilizopo.

Washiriki wa Kongamano la JMAT lililofanyika Wilayani Mkuranga  

"Ninyi viongozi wa dini ndio makamisaa wetu katika jamii kwasababu kuna makamisaa wa kimamlaka na kijamii ambapo makamisaa wetu katika jamii ndio viongozi wetu wa dini,"amesema Tindwa

Tindwa,amewaomba viongozi hao wa dini kama wakiona kuna changamoto wasisite kuzieleza na kuelekeza kwani uadilifu ni kichocheo cha kuleta amani na kwamba amani inapovunjika tunakuwa katika hatari.

Dr .Tindwa ambaye kiasili ni mwenyeji wa Kijiji cha Kibuyuni ,Kitongoji cha Kibwala  Kata ya Panzuo Wilayani Mkuranga amewashauri viongozi hao wa dini kuandaa kongamano la amani ambalo litashirikisha madhehebu yote bila ubaguzi.

" Katika kuombeana amani na kumuunga mkono Rais Samia kwa kazi kubwa anayoifanya hususani kwa kuleta maendeleo na kudumisha Maridhiano ya amani kwa Taifa letu nawashauri viongozi wangu wa dini kuandaa kongamano lingine ambalo litajumuisha madhehebu yote bila ubaguzi ili kusudi tufanye maombi kwa pamoja,"amesema Tindwa

Mwenyekiti wa kongamano hilo Shukuru Ngweshani,amesema kuwa kongamano hilo limewashirikisha wadau mbalimbali wa masuala ya amani zikiwemo Taasisi za Serikali,vyombo vya utoaji haki Kwa wananchi vilivyopo Wilayani Mkuranga.
Mwenyekiti wa Jumuiya ya Maridhiano na Amani Tanzania ( JMAT) Wilayani Mkuranga Shukuru Ngweshani 





Club News Editor  Julieth Ngarabali

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more