MAJALIWA AHITIMISHA TAMASHA LA BIBI TITI MOHAMED WILAYANI RUFIJI MKOANI PWANI

-


Na Gustafu Haule,Rufiji Pwani.

WAZIRI Mkuu wa Jamhuri ya Muungano wa Tanzania Kassim Majaliwa amempongeza waziri wa Tamisemi na Mbunge wa Jimbo la Rufiji Mohamed Mchengerwa kwa kazi kubwa aliyoifanya katika kipindi kifupi cha utekelezaji wa ilani katika Sekta ya Miundombinu. 

Majaliwa, amesema sekta ya miundombinu imepiga hatua kubwa kwa ujenzi wa barabara na madaraja makubwa yaliyokuwa na Changamoto kubwa kipindi cha misimu ya mvua. 

 


Ameyasema hayo katika kilele cha Miaka miwili ya kumbukizi ya Hayati Bibi Titi Mohamed Mwanasiasa Mwanamke wa kwanza Tanganyika kushiriki waziwazi katika juhudi za  kupigania uhuru wa Tanganyika  kipindi cha ukoloni.

 


Amesema hatua ya Jimbo la Rufiji kuwa na madaraja ya uhakika ni hatua nzuri hasa kwa mikoa ya kusini kuendeka bila changamoto yeyote. 

 

Pia ametoa salamu za Rais Dkt.Samia suluhu Hassan zenye lengo la  kuendelea kumkumbuka na kumuenzi Bibi Titi Mohamed kwa  kuthamini mchango wake katika harakati za uhuru wa Tanganyika. 

 


Amesema kauli mbiu ambayo italeta tija ya  kumkumbuka Bibi Titi Mohamed wakati wa sasa na baadaye ni kudumisha umoja, uzalendo na kuacha ujumbe kwa vizazi vijavyo. 

 

Waziri Majaliwa, amemuelezea Bibi Titi kuwa ni mwanamke jasiri, mkakamavu, na kujitoa kwake katika kuleta usawa wa kijinsia kwa wanawake na wanaume. 

 

Amesema kuendelea kumuenzi Bibi Titi ni kuendeleza usawa wa kijinsia kwa wanawake, na mchango wake katika kuleta maendeleo kuwa ni  shujaa, uhuru tulionao ni juhudi za Mashujaa waliopita. 

 

Ameeleza kuwa mawazo ya Bibi Titi ni mfano wa kuigwa kwa viongozi wanawake kama anavyofanya  Rais Samia.

 

Ameendelea kusema, kuwa maadhimisho hayo yawe chachu kupinga ukatili wa kijinsia na wanawake washiriki katika siasa na kufanya vizuri katika kuleta matokea chanya. 

 




Amesema Taifa lina kila sababu ya kukumbuka kazi nzuri na nguvu za  Rais Dkt.Samia kung'aa kimataifa kwa kuwa mwanadiplomasia namba moja kuimarisha uchumi, fursa za kibiashara, utalii na mageuzi makubwa ya uchumi.

 

Amesema  Rais Samia ameendelea kusimamia fursa za uchumi, elimu na diplomasia, siasa safi na ustaarabu.

 

Aidha ameimarisha sekta binafsi na kuendeleza mifumo ya sheria, na kuwezesha sekta binafsi kufanya kazi vizuri na kuhimiza ulipaji kodi. 

 

 Aisha,Majaliwa amesema kwa kipindi kifupi Dkt. Samia ameendelea kuhimiza utoaji wa elimu bure, kuongeza mikopo, maboresho mitaala ya elimu ili vijana wajiajiri, sekta ya afya hospital mpya 107 , huduma za kibingwa hadi ngazi za halmashauri. 

 

 Amesema  Rais Samia amehimarisha huduma za matibabu ya Moyo, ini, mifupa na uroto hii yote ni kuhakikisha anarudisha huduma ya afya karibu na wananchi. 

 

Waziri Mkuu amesema katika upande wa Siasa nafasi ya Mwanamke inazidi kuonekana kwa uwiano wa nafasi za teuzi kwa wanawake.

 

MWISHO.




Club News Editor

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more