UONGOZI MZURI NI ULE UNAOBADILISHA MAISHA YA WATU - Dkt BITEKO

-

 


Naibu Waziri Mkuu na Waziri wa Nishati ,Mh. Dk.Doto Biteko

Na. Julieth Ngarabali, Chalinze Pwani.

 

Naibu Waziri Mkuu na Waziri wa Nishati ,Mh. Dk.Doto Biteko ametoa rai  kwa wanachama wa Chama Cha Mapinduzi ( CCM ) kufanya siasa za kubadilisha maisha ya wananchi katika kuwaletea maendeleo badala ya kufanya siasa za maneno matupu majukwaani na zisizojibu hoja.

 

Pia amewataka watumishi wa Umma kuwahudumia wananchi na kuwafuata walipo pasipo kuwasubiria walete kero zao kwenye madawati.

 

Ametoa rai hiyo  wakati akizungumza kwenye mkutano maalum wa jimbo la Chalinze wa kutoa taarifa ya utekelezaji wa ilani ya uchaguzi ya CCM kwa miaka miwili 2021/2022-2023 uliofanyika kwenye ukumbi wa shule ya Sekondari Lugoba.

 

Pichani Naibu Waziri Mkuu na Waziri wa Nishati ,Dk.Doto Biteko (kulia) akiteta jambo na Mbunge wa Chalinze ambaye pia ni Naibu Waziri Ofisini ya Rais Utumishi na utawala Bora,Ridhiwani Kikwete jana kwenye mkutano mkuu wa uwasilishaji taarifa ya utekelezaji wa ilani ya uchaguzi ya CCM kwa miaka miwili 2021/2022-2023 jimboni Chalinze uliofanyika kwenye ukumbi wa shule ya Sekondari Lugoba. Picha na Julieth Ngarabali

" ni wakati kwa wanaCCM kujibu kwa hoja kutokana na mafanikio makubwa yanayofanywa na Serikali kupitia ilani ya 2020-2025.,siasa za maneno mengi na matupu jukwaani zimepitwa na wakati, sasa tufanye siasa ya kubadilisha maisha ya wa Tanzania " amesema Dk. Biteko

 

Kuhusu taarifa ya utekelezaji wa Ilani iliyotolewa na Mbunge wa Chalinze ambaye pia ni Naibu Waziri Ofisini ya Rais Utumishi, Mh. Ridhiwani Kikwete,  amesema  ameridhishwa na namna halmashauri ya Chalinze inavyosimamia fedha za miradi na ukusanyaji wa mapato.

 



"Nawapongeza kwa juhudi mnazofanya Chalinze  katika utekelezaji wa miradi mbalimbali ya kijamii ikiwemo ujenzi wa madarasa, zahanati na miundombinu muhimu na pia kufanya vizuri katika makusanyo yenu mwaka ambapo mmeweza imekusanya shilingi 15  bilioni , kazi nzuri endeleeni kushikamana na mbunge wenu"amesema Naibu Waziri Mkuu huyo

 

Katika hatua ingine, , Dkt. Biteko ameiagiza TANESCO  kupeleka huduma ya umeme katika shule ya Sekondari ya Moreto  na pia ametoa kompyuta 10 kwenye shule hiyo kwa matumizi ya TEHAMA kuwasaidia wanafunzi kusoma vema masomoa yao ya sayansi

 

Akielezea utekelezaji wa ilani kwa miaka miwili iliyopita,Ridhiwani amesema utekelezaji umefikia asilimia 96 ,na sasa hatua waliyofikia inawabeba kutembea kifua mbele kwani huduma mbalimbali muhimu ikiwemo maji,umeme na vituo vya afya imewafikia wananchi


 Pichani Mh. Mbunge Ridwani  akielezea utekelezaji wa ilani kwa miaka miwili iliyopita


Ridhiwani ametolea mfano, sekta ya maji ,ameeleza awali ilipatikana kwa asilimia 62 kwa wananchi lakini sasa imefikia asilimia 96 ya upatikanaji maji jimboni humo

 

Ameongeza kuwa tayari sh. 6  Bilioni zimepokelewa katika Halmashauri ya Chalinze kutekeleza mambo mbalimbali ya maendeleo na kuondoa vikwazo vilivyokuwepo awali.

 


Rais Mstaafu  wa Jamhuri ya Muungano wa Tanzania Mh. Dkt.Jakaya Mrisho Kikwete

Awali akitoa salamu kwa wajumbe wa mkutano huo, mgeni mualikwa Rais Mstaafu wa Jamhuri ya Muungano wa Tanzania na mkazi wa Chalinze Mh. Dkt.Jakaya Kikwete amesema, uteuuzi wa Naibu Waziri Mkuu Biteko sio jambo la kushangaza kwani ilishawahi kufanyika hilo la nchi kuwa na Naibu Waziri Mkuu ambapo kwa wakati huu Biteko anakua wa tatu.

 



Amesema ,Rais Samia Suluhu Hassan amefanya chaguo sahihi, katumia Mamlaka yake ya kikatiba na kwamba limekuja wakati sahihi na sio nafasi ya kubahatisha bahatisha hivyo ametaka Biteko achape kazi.


 

Mwisho


Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more