Uadilifu wa jamii na Malezi ya Vijana na Watoto karne ya 21

-

 













NA JULIETH MKIRERI,  KIBAHA

 

KUNA usemi unasema samaki mkunje angali mbichi, ikimaanisha kwamba mtoto anatakiwa kufundishwa vitu vingi ikiwemo maadili akiwa bado mdogo.

 

Mtoto akifundishwa jambo akiwa bado mdogo ni rahisi kulishika na kulifanyia kazi  lakini pia atakuwa na kumbukumbu kila anapoona anaenda tofauti na kukumbuka alichofundishwa.

 

Zamani kulikua na utaratibu wa bibi kuwasimulia wajukuu hadithi ambazo kwa namna moja au nyingine zilikuwa na mafundisho ambayo yaliishi kwa watoto na walikuwa wakiyafuata tofauti na siku hizi.

 

Karne hii ya 21 iko na mabadiliko makubwa watoto wanajikita kuangalia katuni na tamthilia zinavyoonyeshwa kwenye TV.

 

Tofauti na ilivyo zamani bibi kutenga muda wa kusimulia hadithi wajukuu zake kwasasa bibi wanakaa kwenye seble za nyumbani kwao wakiwa na wajukuu wanafuatilia tamthilia kwa pamoja.

 

Kutokana na mabadiliko hayo vipo vitu vingi vimebadilika kulingana na teknolojia na hii sasa inawataka wazazi kubadilisha mfumo wa malezi.

 

Annastazia Rugaba ni Meneja Utetezi kutoka Twaweza ambaye anawakumbusha wazazi kuendana na mabadiliko ya kiteknolojia na kuachana na malezi ya kizamani kuwanusuru watoto.

 

Akiwa katika Jukwaa la Ufahamu wa Kiraia linaloandaliwa na Shirikaa Vijana la Youth Partnership Countrywide (YPC) anasema malezi ya karne ya 21 yanatakiwa kuwa na mabadiliko.

 

Anasema wazazi na walezi wanatakiwa  kuwalea watoto kulingana na mna teknolojia ilivyobadilika ili kuwalinda na mabadiliko ya kimaadili.

 

Anasema Teknolojia inavyozidi kukua inatakiwa kuendana na malezi ya watoto katika karne ya 21 ili kuwaepusha kujiingiza kwenye mambo ambayo hayaendani na Maadili ya Kiafrika.

 

Anasema mitandao ya kijamii pia imekuwa sababu ya mabadiliko kwa watoto wengi na hata kuiga mambo ambayo ni kinyume na maadilili ya kiafrika.

 

Anasema kutokana na hali hiyo watoto wanatakiwa kulelewa na kufundishwa njia sahihi wakiwa bado wadogo wakue katika njia sahihi.

 

Vile vile wazazi wanatakiwa kuwa waangalifu kwa vijana wao kwa kuwafuatilia kwenye matumizi ya simu, tv pamoja na baadhi ya vinywaji ambavyo wakati mwingine vinaongezewa vitu vinavyowabadilisha mfumo kwenye miili yao.

 

Rugaba alisema “Malezi ya karne ya 21 ni shida isiyoelezeka kwenye mabadiliko ya kiteknolojia yanaenda kasi isivyo kawaidawazazi wanatakiwa waachane na kuwalea watoto kizamani wabadilike kulingana na nyakati ili kuwaepusha na kwenda kinyume na maadili” .

 

 Alisema kutokana na mabadiliko yaliyopo sasa uaminifu katika Taasisi ya ndoa umepungua kutokana na ongezeko la migogoro  ya ndoa jambo ambalo limekuwa likisababisha watoto kulelewa na mzazi mmoja.

 

“Takwimuambazo zimechukuliwa kwenye madawati ya Jinsia baada ya watu kwenda kuripoti zinaonyesha kwamba kila saa moja ndoa 13 zina migogoro talaka zinaongezeka kwa kasi”.

 

"Taasisi ya ndoa awali ilikuwa inaaminika kuwa msingi mzuri wa  kulea watoto lakini kwasasa tunalalamikia, na hao baadhi ya viongozi ambao tunawalalamikia kwasasa wametoka kwenye familia gani na vijana vibaka wanatoka wapi, hao wote ni kwenye ndoa ambazo nyingi zimeingia migogoro na watoto wanalelewa humo ama kuachwa wenyewe” alieleza Rugaba.

 

Anabainisha kwamba zamani kulikuwa na changamoto kwenye malezi lakini hazikuwa nyingi kama ilivyo sasa, mabadiliko hayo pia sambamba na migogoro ni sababu inayochangia siku hizi mabinti wengi kupata watoto na hawataki wanaume ni kwakuona taasisi ya ndoa haina haja tena .

 

“Mahusiano ya jinsia moja pia yameongezeka tunakokwenda hali inazidi kuwa mbaya dawa za p2 wanatumia mabinti kuzuia mimba kitu ambacho wataalamu wa afya wanasema usitumie zaidi ya mara mbili kwa mwaka na sasa wanauziana kama pipi jambo ambalo baadae inakuwa na athari kubwa kwa watoto bila wao kujua” analeza.

 

Mwenyekiti wa Bodi ya YPC Martine Mng’ong’o anasema kwasasa ni vizuri wazazi wakabadilika kwenye malezi ya vijana wao ili baadae wasije wakaenda kinyume na maadili kwani kwasasa  wengi wanajifunza mambo mengi kupitia teknolojia tofauti na ilivyokuwa zamani.

 

Mng’ong’o anasema YPC iligundua kuwepo kwa mabadiliko kwa vijana  kupitia teknolijia jambo ambalo limewasukuma kutoa elimu hiyo kwa vijana na wazazi kupitia Jukwaa hilo ambalo linalofanyika kila mwisho wa mwezi.

 

Naye Mwalimu  Amina Kijuu kutoka shule ya Msingi Kambarage iliyopo Kibaha anasisitiza mabadiliko ya malezi kwa wazazi ili kuwanusuru vijana kufanya vitu ambavyo ni tofauti na maadili yao.

 

Kijuu anaeleza kwamba hali ya maadili kwa watoto imebadilika tofauti na ilivyokuwa zamani ambapo amesisitiza wazazi kuwalea watoto kiimani jambo ambalo litakuwa msaada kusimamia imani zao.

 

" Tuwasisitize watoto kushi kwenye imani zao, tuwakazanie kushiriki ibada na kufuata mafundisho ya kiimani na hii itawasaidia kuwa na hofu ya Mungu" anasema.

 

Mwalimu huyo pia anaeleza kwamba endapo wazazi watasimama kwenye nafasi zao na kuwa karibu na watoto itapilunguza vitendo vya ukatili ikiwemo ubakaji na ulawiti kwa watoto ambao kwasasa umeshamiri kwenye maeneo mbalimbali.

 

Mwisho.

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more