TAIFA GAS YAONGOZA UZALISHAJI WA GESI NCHINI

-

 



Na Gustafu Haule, PWANI

Kampuni ya  Taifa Gas inayoshughulika na  uingizaji na usambazaji  wa gesi imetajwa kuwa ni kampuni ya kwanza inayoongoza kwa uzalishaji wa gesi hapa nchini iliyofikia kiwango cha tani 7,440.

 

Mbali na kuongoza kwa uzalishaji lakini Taifa Gas ni kampuni iliyofanya uwekezaji mkubwa wa gesi  hapa nchini inayotokana na LPG (Liguidfield Petroleum Gas) ambayo haina madhara kwa mtumiaji. LPG ni bidhaa ya gesi inayotumika kama kimiminika cha Petroli kinachotokana na mafuta ghafi (Crude Oil) ambapo kupatikana kwake kunatokana na uyeyushaji katika joto kubwa.

 


Meneja Mkuu wa kituo cha kuhifadhia na usambazaji wa gesi ya Taifa Gas kilichopo   Kigamboni Jijini Dar es Salaam  Ndugu Juma Masese, amewaeleza waandishi wa habari kuwa  uzalishaji huo umepanda toka mwaka 2016 hadi sasa. Masese, amezungumza na waandishi wa habari wa mazingira na uhamasishaji jamii kutumia nishati mbadala waliofanya ziara katika kituo hicho kwa ajili ya kujifunza masuala mbalimbali ya uhifadhi na matumizi ya gesi.

 


Amesema kuwa, Kampuni ilianza kama Mihani gas ambayo ilikuwa chini ya nchi ya Irani na baadae kuuzwa kwa Mtanzania ambaye anamiliki kampuni hiyo kwa asilimia 100.

 

Amesema, Mihani ilianza mwaka 2005 na ilianza uendeshaji wake mwaka 2007 lakini awali ilikuwa ikizalisha tani 1,440 lakini toka Taifa Gas ilipoingia uzalishaji wake umepanda ambapo kwa sasa malengo ni kuhakikisha wanafika Vijiji  vyote.

 

Masese amesema kuwa gesi inayozalishwa na Taifa Gas ni LPG ambayo ni mchanganyiko wa gesi aina ya Butane na Propane ambapo zote zimetokana na hydrocarbons.

 



Masese amesema Propane ina carbon chache ambayo ndio safi zaidi wakati Butane inacarbon nyingi na kwamba Taifa Gas ina Propane asilimia 40 wakati Butane ina asilimia 60 na hiyo inapelekea Taifa Gas kuwa ya pili katika Soko la Tanzania.

 

Amesema kuwa LPG inatumika katika matumizi mbalimbali ikiwemo kupikia,(Domestic Cooking), viwandani (Industrial Heating), uzalishaji viwandani (Industrial Manufacturing), kwenye magari (Automotive ), masuala ya mwanga (Domestic lighting), na masuala ya Ndege ( Aviation).


Ndugu Masese katika kufafanua uzalishaji wa gesi hiyo ameeleza ,katika uyeyushaji wa mafuta ghafi ndipo kunapopatikana matokeo mbalimbali ikiwemo kupata Lami,Mafuta ya Dizeli,Petroli,mafuta ya Taa,Gesi na mafuta ya Ndege ambapo njia hizo zinafanya kupata gesi nzuri ya LPG ambayo inafaa kwa matumizi ya kupikia.

 

"Gesi yetu ipo salama na tunahifadhia katika mitungi  ya aina zote kulingana na uwezo wa mtumiaji na tuna mitungi ya kilo 3,kilo 6 na 15 na mtungi wa Taifa Gas ni salama zaidi kwa kuwa ina valvu za usalama (Safety Valve)", amesema Masese.

 

Masese ,amewaomba Watanzania kutumia gesi ya Taifa Gas huku wakizingatia kanuni za matumizi ikiwemo kusafirisha mtungi wa gesi ukiwa umesimama,kuacha kutumia simu wakati unapikia gesi pamoja na kuchukua tahadhari ya kufungua milango na madirisha pale unapohisi harusu ya gesi.

 

"Matumizi ya gesi ni mazuri kwa kuwa yanasaidia kutunza mazingira yetu pamoja na kupunguza gharama za maisha lakini kuna vitu havihitajiki wakati mtu akitumia gesi kama vile simu na kufungua milango na madirisha pale unapoona viashiria vya gesi kuvuja," amesema Masese.




 

Kwa upande wake afisa mahusiano wa Taifa Gas  Ndugu Ambwene Mwakalinga, amesema kuwa kwa sasa Taifa Gas inavituo 22 vya  gesi katika Mikoa mbalimbali hapa nchini na malengo yake ni kuhakikisha huduma hiyo inafika katika ngazi ya Vijiji.

 

Mwakalinga, amesema bado kuna kazi kubwa ya kuhamasisha wananchi kutumia nishati mbadala ya gesi kwa kuwa kiwango cha matumizi ya gesi ni kidogo na Tanzania ambapo mpaka sasa asilimia 98.9 wanatumia kuni na mkaa.

 

Mwakalinga, ameongeza kuwa  ili kufikia malengo ni lazima kukawepo na mipango endelevu ya kuhamasisha  jamii kutumia nishati mbadala ambapo Taifa Gas imekuja mpango wa"Give Away" kutoa mitungi bure kwa Mamalishe na mpaka sasa tayari mitungi 10,000 imetolewa.

 

"Ukataji wa miti kwa ajili ya mkaa na kuni bado ni mkubwa hususani kwa Mkoa wa Pwani na Morogoro, kwahiyo niwaombe wananchi tujiketi katika matumizi ya gesi na tuondokane na dhana ya kusema gesi inatumika sana katika Maharage,"amesema Mwakalinga

 

Aidha, Mwakalinga amewaomba waandishi wa habari kuwa mabalozi wazuri katika kuandika habari zinazoelimisha na kuhamasisha wananchi kutumia nishati mbadala ya gesi .

 

Kwa upande wake afisa usalama wa kituo cha Taifa Gas Albert Gungayena, amesema kuwa kazi ya kituo hicho ni kupokea gesi kutoka kwenye meli, kuhifadhi na kusambaza.

                              

Hata hivyo, baadhi ya waandishi wa habari waliofanya ziara katika kituo hicho akiwemo Julieth Mkireri na Sanjito Msafiri kutoka Mkoa wa Pwani wameahidi kuwa mabalozi wazuri ambao watayatumia mafunzo waliyopata katika ziara hiyo kuandika habari za kuhamasisha jamii kutumia nishati mbadala.

 

MWISHO.


Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more