PWANI WAANZA KUWEKEZA KWENYE MAKUZI, MALEZI NA MAENDELEO YA AWALI YA WATOTO WA MIAKA SIFURI MPAKA NANE

-

 

Na. Julieth Ngarabali.mwananchi Pwani

E-Mail: jngarabali@mwananchi.co.tz

 

     
Picha za tukio la uzinduzi wa Programu Jumuishi ya Taifa ya malezi makuzi na maendeleo ya awali ya Mtoto (PJT -MMMAM) Mkoani Pwani.

 

Programu Jumuishi ya Taifa ya malezi ,makuzi na maendeleo ya awali ya Mtoto (PJT-MMMAM) imezinduliwa Mkoani Pwani huku ikilenga kutoa huduma za afya, lishe, malezi yenye mwitikio, ujifunzaji wa awali na ulinzi na usalama kwa watoto wenye umri wa miaka sifuri hadi nane wakue kwa utimilifu na baadae kupata viongozi wenye maadili mema na tija kwa Taifa.


Pia programu hiyo inakusudia kumkuza mtoto, kimwili, kiakili, lugha, kijamii  ,kitamaduni ,kihisia  pamoja na.kimaadili  na kwamba Pwani utakua miongoni  mwa mikoa 16 inayoanza wakati huu  kuutekeleza  baada ya mingine 10 kuwa ilikwishaaza mwaka jana,  Programu hiyo ni ya miaka mitano ,2021/2022  - 2025/26  .

 

Mkuu wa Mkoa wa Pwani Abubakar Kunenge akizindua program hiyo  amesema jukumu la kuwalea watoto,kuwalinda,kuwatunza na kuwaendeleza ni la kila mzazi, mlezi, Serikali na  wadau wana wajibu wa kuhakikisha wanakua na kuishi katika mazingira yaliyobora, safi na salama na wajibu wa kwanza upo mikononi mwa baba na mama.

 

Kunenge ametoa maelekezo tisa ya kuhakikisha Programu hiyo inatekelezeka na kuleta tija Mkoani humo ikiwemo kuzitaka Halmashauri zote kutenga bajeti itakayowezesha utekelezaji wa programu hiyo, walimu wa shule za msingi na Sekondari kutoa malezi yanayolenga watoto kufikia ukuaji timilifu.

 

Maagizo mengine ni katika vituo vya kutolea huduma za afya ni muhimu kuhakikisha kunakuwepo vichangamshi ili watoto wanapopelekwa kupata huduma wapate maeneo ya kuchangamsha ubongo na viongozi wa Dini kutoa mafundisho yanayolenga kukuza ubongo wa watoto.

 

Kwa mujibu wa taarifa ya UNICEF ya mwaka 2022  inaonyesha Mkoa wa Pwani umefikia ukuaji timilifu wa watoto kwa asilimia 48.8 katika masuala ya malezi, makuzi na maendeleo ya awali ya mtoto na asilimia 51.2  hawakuwa katika ukuaji timilifu sababu ikiwa ni kutopata huduma jumuishi zikiwemo afya, lishe, elimu,malezi yenye muitikio na ulinzi na usalama wa watoto.

 

Awali mtaalamu wa malezi, makuzi na maendeleo ya awali ya mtoto kutoka shirika la Children in Crossfire (CIC) Davis Gisuka amesema sababu ya kuchagua uwekezaji wa watoto katika umri wa miaka sifuri hadi nane ni ndio umri pekee katika kipindi cha binadamu ambao una uwezo wa kumfundisha mtoto akakuelewa unachomfundisha.

 

"Pia  miaka sifuri adi nane ndicho kipindi ambacho makuzi ya ubongo yanaenda kwa kasi sana ndicho kipindi ambacho ujifunzaji unakua sana akili inafanya kazi kwa kiasi kikubwa sana,kwa hiyo CIC kazi kubwa tunayofanya ni mradi wa elimu na malezi kwenye eneo la umri huo"amesema Devis

 

Mwakilishi wa mtandao wa malezi,makuzi na maendeleo ya awali ya mtoto nchini Tanzania ( TECDEN) ,  Isaack Idama ameongeza kuwa uwekezajj unaopaswa kufanyika ni pamoja na kukabiliana na tatizo la udumavu, kuwapa huduma bora za malezi ya awali na programu za elimu ambazo zitawawezesha kukua na kufikia ukuaji timilifu na hatimaye kuwa watu wazima wenye uwezo wa kufanya kazi za uzalishaji mali kwa tija .

 

Mkoani Pwani taasisi ya Anjita Child Development Foundation kwa kushirikiana  na Serikali ndio inatakeleza Mpango huo wa PJT MMMAM kupitia mradi wa mtoto kwanza unaoratibiwa katika ngazi ya Taifa na shirika la TECDEN .

 

Kwa mujibu wa takwimu za Taifa za makisio ya idadi ya watu zilizotolewa na idara ya takwimu Taifa, Tanzania ina takriban watoto 16,524,201 (wavulana 8,328,142 na wasichana 8,196,056 ) wenye umri wa miaka 0-8 (ambao ni asilimia 30 ya watu wote)

 

Hii inamaanisha kuwa katika kila watu watatu,kuna mtoto mwenye umri wa miaka 0 mpaka nane.

 

Kundi hili la watoto wadogo linahitaji kuangaliwa kwa karibu na kufanyiwa uwekezajj ili waweze kuwa rasilimali bora yenye tija kwa familia na Taifa .

 

 

 

Comments

Post a Comment

Popular posts from this blog

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more

RC PWANI AFURAHISHWA NA UTENDAJI KAZI WA MKURUGENZI WA KIBAHA MJINI DKT.ROGERS SHEMWELEKWA

-
Image
Na Gustaphu Haule,Pwani  MKUU wa Mkoa wa Pwani Abubakar Kunenge,amelipongeza Baraza la Madiwani la Halmashauri ya Mji Kibaha kupitia mkurugenzi wake Dkt.Rogers Shemwelekwa kwa kazi nzuri ya kutekeleza miradi ya maendeleo iliyofanywa kwa kipindi cha mwaka 2020/2025. Aidha, Kunenge amesisitiza Baraza hilo kuwa katika kipindi cha mwaka 2025 /2030 wahakikishe wanapanga miradi yenye kipaumbele ili kuleta matokeo chanya katika jamii. Kunenge,ameyasema hayo Juni 16,2025 wakati akizungumza katika kikao maalum cha Baraza la Madiwani kwa ajili ya kujibu hoja za mkaguzi Mkuu wa hesabu za Serikali (CAG)kikao ambacho kimefanyika katika Halmashauri ya Mji Kibaha. Mwenyekiti wa Halmashauri ya Mji wa Kibaha Musa Ndomba akizungumza katika kikao cha  Baraza maalum la kujibu hoja za mkaguzi Mkuu wa Hesabu za Serikali(CAG) kilichofanyika Juni 16,2025  Amesema kuwa Kibaha Mjini imekuwa Halmashauri ya kuigwa kwakuwa katika kipindi kifupi tangu mkurugenzi wa Halmashauri hiyo Dkt.Shemwelekwa kui...
Read more