MISIME ATAKA WATU KUREJESHA SILAHA WANAZOMILIKI KINYUME NA SHERIA KWA SABABU HAWATAGUSWA NA MKONO WA DOLA.

-





 

Na. Julieth Ngarabali, Kibaha Pwani

 

Zoezi  la usalimishaji wa silaha mbalimbali za moto kwa hiyari linalofanyika nchi nzima limeonyesha kufanikiwa baada ya takwimu za silaha zinazosalimishwa maeneo mbalimbali kuongezeka kutoka silaha 228 mwaka 2021 ilipoanza utaratibu huo na kufikia 1,220 mwaka 2022 .

 

Msemaji wa Jeshi la Polisi nchini, Kamishina Msaidizi Mwandamizi David Misime amesema hayo akiwa kwenye ziara ya kikazi Mkoani Pwani iliyolenga kutoa elimu kwa wananchi kuhusu usalimishaji wa silaha kwa hiyari zoezi linalofanyika nchi nzima.

 

Msemaji wa Jeshi la Polisi nchini, Kamishina Msaidizi Mwandamizi David Misime (kushoto) akizungumza na vyombo vya habari mjini Kibaha leo,kulia ni kamanda wa Polisi Mkoani Pwani Pius Lutumo. Picha Julieth Ngarabali


Amesema Mkoa wa Pwani ni miongoni mwa mikoa ambayo ilifanya vizuri kipindi hicho ambapo eneo hilo pekee ziliwasilishwa silaha 111 kati ya hizo.

 

Kamishina Msaidizi Mwandamizi David Misime ameongeza sababu ya kuja Makao makuu ya Polisi  Pwani ni kuendeleza  kampeni hiyo ambayo Mkoa huo umeonyesha kufanikiwa na kutolea mfano katika kipindi hiki kifupi tu mwaka huu toka kampeni ianze septemba mosi tayari silaha 11 zimekwisha wasilishwa tangu zoezi hilo lilipoanza mwaka huu .

 

"Mwezi wa kampeni ya uwasilishaji silaha kwa hiari ambayo ilianza Septemba mosi na itamalizika Oktoba 31/2023 na kipindi hiki ndio kila mtu anayemiliki silaha kinyume na sheria anatakiwa kusalimisha kwa hiari na atakwepa kutokukamatwa,kutokufikishwa mahakamani na pia anakua huru kwa kuendelea na shughuli zake za kujiletea maendeleo "amesema  Misime.

 

Amewataka Polisi Kata kushirikiana na viongozi mbalimbali walioko kwenye maeneo yao katika kuhamasisha wananchi wanao miliki silaha kinyume cha sheria kusalimisha  silaha hizo kwa hiyari.

 

" Nasisitiza sana wananchi wanaoishi maeneo ya hifadhi (misitu) ya wanyama kuhakikisha wanarejesha silaha walizonazo ikiwemo ngorongoro, mikumi na, Serengeti

 

Zoezi la usalimishaji wa silaha litafika ukomo Oktoba 31 mwaka huu ambapo amelekeza Polisi Kata nchini kote kutumia muda mchache uliosalia kutoa elimu na kuwahamasisha wananchi wenye kumiliki silaha kinyume na sheria za nchi haswa wananchi wanao ishi maeneo yaliyo karibu na mbuga za wanyama.

 

Misime ameeleza kama kuna mtu ambaye anatambua ndani kwake kuna silaha ambayo ilikuwa ikimilikiwa na mtu ambaye alishafariki inapaswa kusalimishwa kabla ya tarehe 31 Oktoba na hawatachukuliwa hatua zozote za kisheria na kwa wale watakao kaidi baada ya hapo msako mkali utaanza na wale watakao kamatwa watachukuliwa hatua kali za kisheria ikiwa ni pamoja na kufikishwa Mahakamani.

 

"Nawapongeza Jeshi la Polisi Mkoa wa Pwani kwa kuwa miongoni mwa Mikoa inayofanya vizuri kwenye zoezi hili la usalimishaji wa silaha kwa hiyari na kutolea mfano Wilaya ya Kipolisi Chalinze ambapo idadi ya silaha 11 zimekwishasalimishwa tangu zoezi hilo lilipoanza mwezi huu uliopita" amesema Misime

 

Kadhalika, ametoa pongezi na kuwaomba viongozi wa Dini na Wenyeviti wa Serikali za Mitaa na Vitongoji kuendelea kutoa ushirikiano katika zoezi hili la usalimishaji wa silaha na Jeshi la Polisi litaendelea kushirikiana nao ili kuhakikisha linapata mwitikio mkubwa kwa Jamii.

 

Awali Kamanda wa Polisi Mkoani Pwani Pius Lutumo amesema hasara za kutosalimisha silaha katika kipindi hiki ni pamoja na itafanyika misako baada ya Oktoba 31 na hasara zake ni kukamatwa na kufikishwa mahakamani na ukipatikana na hatia kifungo chake ni miaka 15 au faini ya sh. 10 Milioni.

 

Mmoja wa wakazi wa Chalinze Seifu Ally amesema utaratibu huo ni mzuri na kuomba wengine kutii sheria bila shuruti.

Comments

Post a Comment

Popular posts from this blog

RC PWANI AONGOZA WAKAZI PWANI KUJIANDIKISHA KWENYE DAFTARI LA WAPIGA KURA

-
Image
Na Gustaphu Haule, Pwani   MKUU wa Mkoa wa Pwani Abubakari Kunenge amewaongoza wakazi wa Mtaa wa Mkoani" A" uliopo Kata ya Tumbi Halmashauri ya Mji Kibaha katika zoezi la kujiandikisha kwenye daftari la wapiga kura lililoanza leo Mkoani Pwani. Aidha, Kunenge akiwa katika kituo hicho aliambatana na Katibu Tawala Mkoa wa Pwani Rashid Mchatta, Mkuu wa Wilaya ya Kibaha Nickson Saimoni pamoja na mkurugenzi wa Halmashauri ya Mji Kibaha Rogers Shemwelekwa. Mkuu wa Mkoa wa Pwani Abubakar Kunenge akiwaongoza Wananchi wa Mtaa wa Mkoani "A", Kata ya Tumbi Halmashauri ya Mji Kibaha kujiandikisha katika daftari la wapiga kura zoezi ambalo limeanza leo Oktoba 11 hadi Oktoba 20 mwaka huu  Akizungumza mara baada ya kujiandikisha katika kituo hicho Kunenge amesema kuwa zoezi hilo limeanza kufanyika Mkoa wa  Pwani leo Oktoba 11 na litamalizika Oktoba 20 mwaka huu. Kunenge amesema kuwa kufanyika kwa zoezi hilo ni maandalizi ya kuelekea katika uchaguzi wa Serikali za Mitaa unaotarajia ...
Read more

BARAZA LA MADIWANI KIBAHA MJINI LAMPONGEZA MKURUGENZI WAKE KWA KAZI NZURI ANAYOIFANYA SAMBAMBA NA KUONGEZA MAPATO.

-
Image
Na Gustaphu Haule,Pwani BARAZA la Madiwani la Halmashauri ya Mji Kibaha limempongeza mkurugenzi wa Halmashauri hiyo Dkt.Rogers Shemwelekwa kwa usimamizi mzuri katika utekelezaji wa miradi ya maendeleo. Shemwelekwa ameshushiwa pongezi hizo Aprili 29, 2025 katika kikao cha Baraza hilo kilichofanyika katika Ukumbi wa soko kubwa la kisasa (Kibaha Shopping Mall) ambapo kwa kiasi kikubwa lilikuwa Baraza za kuonyesha mafanikio katika kipindi cha mwaka 2020/2025. Pongezi hizo zilikuja mara baada ya Wenyeviti wa kamati mbalimbali ikiwemo kamati ya fedha, kamati ya Mipango Miji, kamati ya Afya na Elimu pamoja na kamati ya huduma za jamii kueleza mafanikio ndani ya kipindi hicho cha miaka mitano. Mwenyekiti wa kamati ya fedha Karim Ntambo,amesema kuwa katika kipindi cha miaka mitano Manispaa ya Kibaha Mjini imepata mafanikio makubwa ambapo moja ya mafanikio hayo ni pamoja na ongezeko la mapato. Ntambo, amesema kuwa wakati wanaingia madarakani ukusanyaji mapato ulikuwa ni kiasi cha Sh.bilioni 4 la...
Read more

RAIS SAMIA ATANGAZA KIBAHA MJINI KUWA MANISAPAA,MBUNGE KOKA AFURAHIA ASEMA KIBAHA ITANG'AA

-
Image
Na Gustaphu Haule,Pwani RAIS wa Jamhuri ya Muungano wa Tanzania Dkt.Samia Suluhu Hassan ameridhia Halmashauri ya Mji Kibaha iliyopo Mkoani Pwani kupandishwa hadi na kuwa Manispaa. Uamuzi huo umetangazwa leo Januari 27 na Waziri wa Ofisi ya Rais,Tawala za Mikoa na Serikali za Mitaa(TAMISEMI) Mohamed Mchengerwa Mjini Kibaha. Waziri wa Nchi, Ofisi ya Rais,Tawala za Mikoa na Serikali za Mitaa (Tamisemi) Mohamed Mchengerwa akizungumza katika mkutano wa CCM uliofanyika Januari 27 katika viwanja vya stendi ya zamani Mailimoja Kibaha Mkoani Pwani. Mchengerwa, ametangaza hilo wakati akizungumza na wanachama wa CCM pamoja na Wananchi katika mkutano mkubwa wa kuunga mkono maazimio ya mkutano Mkuu wa CCM Taifa uliomteua Rais Samia kuwa mgombea wa Urais mwaka 2025. Wanachama wa CCM pamoja na Wananchi mbalimbali walioshiriki mkutano wa kuunga mkono azimio la Mkutano Mkuu wa Taifa CCM la kumteua Rais Dkt.Samia Suluhu Hassan kuwa mgombea pekee wa Urais kupitia CCM katika uchaguzi wa mwaka 2025, Mkutan...
Read more